Persónuverndarstefna

Persónuupplýsingar

Við kunnum að vinna með persónuupplýsingar sem viðskiptavinir veita okkur í tengslum við bókanir, fyrirspurnir og þjónustu.

Þetta geta meðal annars verið:

• nafn,
• símanúmer og netfang,
• upplýsingar um bókaða þjónustu,
• samskipti við okkur,
• upplýsingar sem nauðsynlegar eru vegna meðferðar,
• greiðslu- og viðskiptaupplýsingar eftir því sem við á.

Við söfnum ekki meiri upplýsingum en nauðsynlegt er vegna þeirrar þjónustu sem við veitum.

Upplýsingar vegna meðferðar

Áður en varanleg förðun er framkvæmd getur verið nauðsynlegt að fá upplýsingar um atriði sem geta haft áhrif á meðferðina eða öryggi hennar.

Þetta geta til dæmis verið upplýsingar um ofnæmi, húðvandamál, lyfjanotkun eða annað sem getur haft áhrif á framkvæmd eða gróanda.

Slíkar upplýsingar eru aðeins notaðar í tengslum við viðkomandi meðferð og er farið með þær sem trúnaðarupplýsingar.

Myndir

Í tengslum við meðferðir kunnum við að taka myndir fyrir og eftir meðferð, meðal annars til að fylgjast með árangri og gróanda.

Myndir eru ekki birtar á heimasíðu, samfélagsmiðlum eða notaðar í auglýsingum nema með samþykki viðskiptavinar.

Viðskiptavinur getur afturkallað samþykki sitt fyrir frekari notkun mynda.

Tilgangur

Persónuupplýsingar eru meðal annars notaðar til að halda utan um bókanir, eiga samskipti við viðskiptavini, veita og fylgja eftir þjónustu, tryggja öryggi við meðferðir og uppfylla þær skyldur sem hvíla á rekstrinum samkvæmt lögum.

Við notum persónuupplýsingar ekki í öðrum tilgangi nema heimild sé fyrir því.

Miðlun upplýsinga

Við seljum ekki persónuupplýsingar viðskiptavina og afhendum þær ekki öðrum í markaðsskyni.

Upplýsingum kann þó að vera miðlað til þjónustuaðila þegar það er nauðsynlegt vegna reksturs, svo sem vegna vefhýsingar, bókhalds eða greiðsluþjónustu. Einnig kann okkur að vera skylt að afhenda upplýsingar samkvæmt lögum eða fyrirmælum stjórnvalda.

Varðveisla

Persónuupplýsingar eru varðveittar eins lengi og nauðsynlegt er vegna þess tilgangs sem þeirra var aflað fyrir.

Upplýsingar sem okkur ber skylda til að varðveita samkvæmt lögum, til dæmis bókhaldsgögn, eru varðveittar eins lengi og viðkomandi lög kveða á um.

Vefsíðan og vefkökur

Vefsíðan er byggð í WordPress og kann að nota nauðsynlegar vefkökur til þess að síðan virki rétt.

Við heimsókn á síðuna geta einnig orðið til tæknilegar upplýsingar, svo sem IP-tala, upplýsingar um vafra og tæki og aðrar upplýsingar sem tengjast virkni og öryggi vefsíðunnar.

Ef síðar verða teknar í notkun vefkökur eða þjónustur í tölfræði- eða markaðsskyni verður persónuverndarstefnan uppfærð eftir því og samþykkis aflað þar sem þess er þörf.

Réttindi þín

Þú átt rétt á að óska eftir upplýsingum um þær persónuupplýsingar sem við höfum um þig.

Eftir því sem við á getur þú einnig óskað eftir að upplýsingar séu leiðréttar eða þeim eytt, vinnsla þeirra takmörkuð eða afturkallað samþykki þegar vinnslan byggist á samþykki.

Ef þú telur að vinnsla persónuupplýsinga þinna sé ekki í samræmi við lög getur þú leitað til Persónuverndar.

Hafðu samband

Ef þú hefur spurningar varðandi persónuvernd eða meðferð persónuupplýsinga getur þú haft samband við okkur.

Varanleg Förðun Reykjavík
Netfang: [NETFANG]
Sími: [SÍMANÚMER]

Síðast uppfært: September 2026